Friendship Day 2023 : ભારતમાં ક્યારથી શરૂ થયો ફ્રેન્ડશીપ ડે ? મિત્રતા માટે આપેલા બલિદાનનો છે ઈતિહાસ...

Friendship Day 2023 in India Date: આંતરરાષ્ટ્રીય મિત્રતા દિવસ એટલે કે ફ્રેન્ડશીપ ડે ઓગસ્ટ મહિનાના પહેલા રવિવારે ઉજવવામાં આવે છે. આ મિત્રોને સમર્પિત દિવસ છે. દરેક વ્યક્તિના જીવનમાં, પરિવાર પછી, એવી વ્યક્તિ ચોક્કસ હોય છે જેની સાથે ભલે લોહીનો સંબંધ ન હોય, પરંતુ હૃદયનો સંબંધ જીવનભર જોડાયેલો હોય છે. મિત્રતાના આ સંબંધને ઉજવવા માટે દર વર્ષે ઓગસ્ટમાં આંતરરાષ્ટ્રીય મિત્રતા દિવસ ઉજવવામાં આવે છે.આવો જાણીએ આ વર્ષે ભારતમાં મિત્રતાની તારીખ, કેવી રીતે શરૂ થઈ, તેનો ઈતિહાસ શું છે.

► 2023માં ભારતમાં ફ્રેન્ડશિપ ડે ક્યારે છે? (Friendship Day 2023 Date)

ભારતમાં ફ્રેન્ડશીપ ડે 6 ઓગસ્ટ, 2023 રવિવારના રોજ ઉજવવામાં આવશે. ભારત ઉપરાંત બાંગ્લાદેશ, મલેશિયા, ઓસ્ટ્રેલિયામાં પણ આ દિવસે ફ્રેન્ડશીપ ડેની ઉજવણી કરવામાં આવશે. મિત્રતા એ વિશ્વનો સૌથી અમૂલ્ય સંબંધ છે, તેથી જ લોકો આ દિવસને ધામધૂમથી ઉજવે છે.

આ પણ વાંચો : કેમ વધી રહ્યા છે લગ્નેત્તર સંબંધો, સર્વેમાં આ શહેરની મહિલાઓ આવી ટોપ પર....

આ પણ વાંચો : પુખ્ત વયના પાત્રોએ સહમતિથી કરેલું સેક્સ દુષ્કર્મ ન કહેવાય: ગુજરાત હાઇકોર્ટ

આ પણ વાંચો : ગર્લફ્રેન્ડ સાથે હોટેલમાં જવું છે? આ 5 નિયમો યાદ રાખો કાનુની કાર્યવાહીથી બચી જશો...

► ફ્રેન્ડશીપ ડેનો ઇતિહાસ (Friendship Day History)

30 જુલાઈ, 1958ના રોજ, પેરાગ્વેમાં આંતરરાષ્ટ્રીય મિત્રતા દિવસની ઉજવણીનો પ્રસ્તાવ રજૂ કરવામાં આવ્યો. 2011માં, યુનાઈટેડ નેશન્સે 30 જુલાઈએ ઈન્ટરનેશનલ ફ્રેન્ડશીપ ડે ઉજવવાની જાહેરાત કરી હતી, જો કે, અમેરિકા, ભારત, બાંગ્લાદેશ જેવા ઘણા દેશો ઓગસ્ટના પહેલા રવિવારે ફ્રેન્ડશીપ ડે ઉજવે છે. એવું કહેવાય છે કે આ દિવસ વિશ્વના તમામ દેશોમાં મિત્રતા દ્વારા સુખ અને એકતાનો સંદેશ ફેલાવવાના ઉપાય તરીકે અસ્તિત્વમાં આવ્યો હતો.

► ફ્રેન્ડશિપ ડેની શરૂઆત કેવી રીતે થઈ? (Why we Celebrated Friendship Day)

ફ્રેન્ડશિપ ડેની શરૂઆત વિશે ઘણી વાર્તાઓ પ્રચલિત છે. કહેવાય છે કે 1935માં યુએસ સરકારે ઓગસ્ટના પહેલા રવિવારે એક વ્યક્તિની હત્યા કરી હતી. આ સમાચારથી દુઃખી થઈને તેના મિત્રએ આત્મહત્યા કરી લીધી. મિત્રતાનું આવું ઉદાહરણ સામે આવ્યા બાદ યુએસ સરકારે ઓગસ્ટના પહેલા રવિવારને ફ્રેન્ડશિપ ડે તરીકે ઉજવવાની જાહેરાત કરી હતી. જીવનમાં મિત્રોનું મહત્વ સમજાવવાના હેતુથી આ દિવસની ઉજવણી કરવામાં આવે છે.

► જીવનમાં મિત્રનું શું મહત્વ છે ? (Importance Of Friend In Life)

ભારતીય પરંપરાની મિત્રતાની ઘણી વાર્તાઓ પ્રચલિત છે. મિત્રોને આપણા જીવનના સુખ-દુઃખ સાથે ગણવામાં આવે છે, જ્યારે પણ મિત્રોની વાત આવે છે ત્યારે કૃષ્ણ અને સુદામાની મિત્રતાના ઉદાહરણો આપવામાં આવે છે. કૃષ્ણ-સુદામાની મિત્રતા મિત્ર પ્રત્યે પ્રમાણિકતા, ત્યાગ અને આદરની ભાવના દર્શાવે છે. જે સાચા મિત્રની નિશાની છે. કહેવાય છે કે કુટુંબ એ ભગવાન પાસેથી મળેલી ભેટ છે, પરંતુ દરેક વ્યક્તિને મિત્ર પસંદ કરવાનો મોકો મળે છે. સાચો મિત્ર જીવનના દરેક વળાંક પર પડછાયાની જેમ આપણી સાથે રહે છે, જે આપણું જીવન માત્ર સફળ જ નથી કરતું પણ ખુશીઓનું વિતરણ પણ કરે છે.

(Home Page- gujju news channel)

Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - જીવનશૈલી સમાચાર માહિતી